Լորի ձուն դիետիկ սննդամթերք է, անհրաժեշտ է երեխայի օրգանզիմի բնականոն զարգացման համար, ինչպես նաև հետվիրահատական շրջանում վերականգնվելու համար։

Օգտակարությունը

Լորի ձուն հարուստ է սննդանյութերով, պարունակում է վիտամիններ՝ А, В1, В2, РР, միկրոտարրեր և մակրոտարրեր՝ երկաթ, ֆոսֆոր, կալիում, կոբալտ, պղինձ, կալցիում և այլն, անփոխարինելի ամինաթթուներ՝ տրեոնին, թիրոզին, գլիցին, լիզոցին, հիստիդին և այլն։

Լիզոցինը խոչընդոտում է օրգանիզմում վնասակար միկրոֆլորայի զարգացմանը, թիրոզինը բարենպաստ ազդեցություն է թողնում մաշկի վրա՝ վերադարձնելով բնական գույնը և առաձգականությունը։

Լորի ձուն օգտագործվում է գաստրիտի և ստամոքսաղիքային տրակտի խոցի, նյութափոխանակության և մարսողության խանգարման, պնևմոնիայի, բրոնխիտի, ասթմայի, տուբերկուլյոզի, զարկերակային ճնշման անկման, սակավարյունության, սրտի հիվանդությունների, տեսողության օրգանների, միզասեռական համակարգի, լեղապարկի և ենթաստամոքսային գեղձի հիվանդությունների բուժման համար։

Նպաստում է երեխաների մտավոր զարգացմանը, հիշողության լավացմանը, նյարդային և իմունային համակարգի ամրացմանը։

Հղի կանանց խորհուրդ է տրվում օգտագործել հղիության պաթոլոգիաների կանխման, ոսկրերի և ատամների ամրացման, ինչպես նաև իմունիտետի բարձրացման համար։

Մեծահասակներին ցուցված է օգտագործել խոլեստերինի հեռացման, ինչպես նաև անոթների պատերին կպած ճարպագնդերի վերացման նպատակով։ Նպաստում է նաև օրգանիզմից ռադիոնուկլիդների դուրսբերմանը։ Այդ կարևոր է հատկապես քիմիաթերապիա տարած մարդկանց համար։

Վնասակարությունը

Լորի ձուն գրեթե չունի հակացուցումներ, այն ալերգիա չի առաջացնում։ Խորհուրդ չի տրվում օգտագործել, եթե կա սպիտակուցը յուրացնելու խնդիր։  

 

Աղբյուրը