Ինչու են ոտքերը և ձեռքերը սառչում, ինչպես լուծել այս խնդիրը 

Ինչու են ոտքերը և ձեռքերը սառչում, ինչպես լուծել այս խնդիրը 

Հաճախ սառած վերջույթները նորմալ են: Ոտքերն ու ձեռքերն առաջինն են սառչում և վերջինը տաքանում: Սա գոյատևման մեխանիզմի անհրաժեշտ տարրն է: Երբ մենք մտնում ենք սառը միջավայր, ուղեղը ստիպում է վերջույթներում գտնվող արյան անոթներին նեղանալ։ Այսպիսով, արյան շրջանառությունը սահմանափակվում է վերջույթներում, արյունը ավելի քիչ է սառչում և օգնում է ջերմությունը պահելու ավելի կարևոր հատվածներում՝ ներքին օրգաններում։ Այնուամենայնիվ, երբեմն պատահում է, որ ցուրտ չի լինում, բայց ձեռքերը և ոտքերը սառն են լինում ու չեն տաքանում։ Պատճառները կարող են տարբեր լինել։ 

1. Դուք անհանգստանում եք, սթրեսային իրավիճակում եք։ 

Սթրեսային իրավիճակում մարմնի բնական արձագանքը ադրենալինի արտանետումն է արյան մեջ: Այս հորմոնը օգնում է մոբիլիզացվելու և արդյունավետորեն պատրաստում է մեզ իրավիճակների՝ «մարտնչել կամ փախչել»: Այս գործողություններին պատրաստվելու հիմնական դրսևորումը վերջույթների արյան անոթների կտրուկ նեղացումն է: Սպազմն անհրաժեշտ է այն դեպքում, եթե մարտի կամ թռիչքի ժամանակ վնասեք ձեր ձեռքը կամ ոտքը. արյան կորուստը կլինի ավելի քիչ, և, հետևաբար, դա չի վտանգի ձեր կյանքը: 

Իհարկե, ժամանակակից աշխարհում սթրեսը հազվադեպ է կապված գիշատչի հարձակմամբ կամ զինված թշնամու հարձակմամբ, բայց մարմնի արձագանքները մնում են նույնը՝ վերջույթների անոթները կտրուկ նեղանում են, արյան շրջանառությունը վատանում է: Արդյունքում  ձեռքերի և ոտքերի ջերմաստիճանն է նվազում: 

Ինչ անել 

Ամենակարևորը հանգստությունն է: Հենց որ ազատվեք սթրեսից, ոտքերը և ձեռքերը կրկին կտաքանան: 

2. Դուք խնդիրներ ունեք արյան շրջանառության հետ 

Արյան վատ հոսքի ախտանիշներից է` վերջույթների ցածր ջերմաստիճանը։ Արյան շրջանառության վատթարացումը կարող է առաջանալ ամենատարածված գործոններով պայմանավորված. 

• անհարմար դիրք, երբ սեղմվում են անոթները 

• երակների լայնացում 

• բարձր խոլեստերին, որը ստեղծում է սկավառակներ՝ նեղացնելով անոթները 

• ծխել 

• սրտանոթային խանգարումներ 

• նստակյաց ապրելակերպ: 

Ինչ անել 

Եթե սառը վերջույթների խնդիրը ձեզ պարբերաբար հետապնդում է, դիմեք թերապևտին: Նա կօգնի պարզելու, թե կոնկրետ ինչն է պատճառ հանդիսացել շրջանառության խանգարումների համար և կնշանակի պրոֆիլակտիկ բուժում: 

3. Դուք ունեք երկաթի անբավարարություն՝ անեմիա 

Պարզ ասած՝ արյան մեջ հեմոգլոբինի պակաս ունեք: Սառը ձեռքերը և ոտքերը այս խնդրի ախտանիշներից են: 

Ինչ անել 

Երկաթի բացակայությունը, որպես կանոն, ստիպում է ունենալ թուլություն, հոգնածություն, մազաթափություն և  փխրուն եղունգներ: Եթե սառը վերջույթների հետ մեկտեղ ունեք նաև այս ախտանիշները, դիմեք  ձեր թերապևտին։ Բժիշկը կառաջարկի արյան ստուգում կատարել, և ըստ  արդյունքների՝ խորհուրդ կտա կարգավորելու դիետան և հատուկ  պատրաստուկներ ընդունելու։ 

4. Դուք չունեք  վահանաձև գեղձի բավարար հորմոններ 

Հիպոթիրեոզը բավականին տարածված է, որը սկզբնական փուլերում գրեթե ախտանիշներ չի ունենում։ Հետագայում առաջանում են արագ հոգնածություն, այտուցվածություն, ավելորդ քաշ, փորկապություն, չոր մաշկ ... Սառը ձեռքերն ու ոտքերը նույնպես ախտանիշների թվին են պատկանում։ 

Ինչ անել 

Կրկին դիմել բժշկի (դուք կարող եք անմիջապես գնալ էնդոկրինոլոգի մոտ) և արյան ստուգում կատարել՝ վահանաձև գեղձի հորմոնների ստուգման համար: Անհրաժեշտության դեպքում, դրա արդյունքների համաձայն, ձեզ կնշանակվի բուժում: 

5. Դուք շաքարախտ ունեք 

Արյան գլյուկոզայի մակարդակի բարձրացումը վատ է ազդում անոթների վրա. դրանք կորցնում են առաձգականությունը և սեղմվում են: Դրա պատճառով արյան ներհոսքը դեպի վերջույթների հյուսվածքներ թուլանում է: 

Բացի այդ, շաքարախտը տհաճ բարդություն ունի` երբ անընդհատ շաքարի բարձր մակարդակի պատճառով նյարդային վերջույթները վնասվում են: Արդյունքում, ձեզ կարող է թվալ, թե ոտքերն այրվում  են կամ սառչում: 

Ինչ անել 

Հնարավոր շաքարախտը հաստատելու կամ հերքելու համար դիմեք թերապևտի: Եթե հիվանդությունը ախտորոշվի, բժիշկը ձեզ կառաջարկի բուժում, որը կօգնի ազատվելու նաև ոտքերի սառնությունից:

6. Դուք երիկամների հետ խնդիրներ ունեք 

Երիկամների աշխատանքի խանգարումը հանգեցնում է այտուցների առաջացման, որի արդյունքում անոթները սեղմվում են, և արյան շրջանառությունը խանգարվում է, ինչի հետևանքով էլ վերջույթները տառապում են ցրտի մշտական զգացողությունից: 

Ինչ անել

Կրկին դիմեք թերապևտին: Նա կնշանակի հետազոտություններ, որոնք կօգնեն ստուգելու երիկամների աշխատանքը: Եվ անհրաժեշտության դեպքում կնշանակվեն դեղեր, որոնք կօգնեն ազատվելու այտուցներից և հարակից տհաճ ախտանիշներից: 

7. Դուք ունեք անորեքսիա 

Սննդի վարքի այս խանգարումը հանգեցնում է այն փաստին, որ մարդը հրաժարվում է սննդից և արագորեն կորցնում է քաշը: Անորեքսիայի պատճառով վերանում է ճարպային շերտը, և մարմինը դժվար է պահպանում ջերմությունը: Կենսականորեն ներքին օրգանների գործունեության համար անհրաժեշտ ջերմաստիճանը պահպանելու համար՝ ուղեղը սահմանափակում է արյան շրջանառությունը վերջույթներում: 

Ինչ անել 

Անորեքսիան բավականաչափ ախտանիշներ ունի, բացի սառը ոտքերից և ձեռքերից: Հիմնականը՝ կտրուկ քաշի կորուստն է և «ավելորդ» կալորիաների վախը: Հարկավոր է դիմել թերապևտին, որպեսզի կանխեք լուրջ խանգարումների զարգացումը: 

8. Դուք բավարար չեք քնում 

Քնի պակասը մասնավորապես դանդաղեցնում է նյութափոխանակությունը, վատացնում արյան շրջանառությունը: Վերջինների խախտումը հանգեցնում է ոտքերի և ձեռքերի սառնության: 

Ինչ անել 

Քնե՛ք օրական առնվազն 7-8 ժամ: Սա կօգնի ոչ միայն տաքացնելու վերջույթները, այլև անհրաժեշտ է առողջության համար։

Աղբյուրը