Ինչո՞ւ է անհրաժեշտ օրթոպեդիկ միջատակը և ինչպե՞ս ընտրել այն

Ինչո՞ւ է անհրաժեշտ օրթոպեդիկ միջատակը և ինչպե՞ս ընտրել այն

Ի՞նչ է օրթոպեդիկ միջատակը Օրթոպեդիկ միջատակը հատուկ ռելիեֆային ներդիր է կոշիկի համար:

Այն պարտադիր չէ բոլորի համար, սակայն որոշ դեպքերում այն կարևոր դեր ունի և նկատելիորեն թեթևացնում է մարդու կյանքը։ Օրթոպեդիկ միջատակերի հիմնական խնդիրը ոտնաթաթի ճիշտ դիրքի ապահովումն է: Այն օգնում է նվազեցնելու ճնշումը ոտնաթաթի վնասված հատվածների վրա կամ կարգավորելու ոտնաթաթի անոմալիաները:

Ո՞ւմ է անհրաժեշտ օրթոպեդիկ միջատակ Խախտման դասական օրինակ է համարվում հարթաթաթությունը, որի դեպքում խորհուրդ է տրվում հագնելու օրթոպեդիկ միջատակով կոշիկներ։

Հարթաթաթությամբ տառապող մարդիկ հաճախ ունենում են քայլվածքի խնդիրներ և ոտքերի ցավ քայլելու ժամանակ։ Բացի այդ, հարթաթաթությունը մեծացնում է արթրիտի, ոսկրախթանի և կոշտուկների զարգացման ռիսկը: Ռելիեֆային օրթոպեդիկ միջատակերը լրացնում են ոտնաթաթի բացակայող կամարը՝ ապահովելով ոտնաթաթի ճիշտ դիրքը: Սա օգնում է մարդուն խուսափելու քայլելու ընթացքում առաջացող ցավից և նվազեցնում է հենաշարժողական համակարգի այլ խանգարումների առաջացման ռիսկերը:

Օրթոպեդները թվարկում են մի շարք հիվանդություններ և ախտանիշներ, որոնց դեպքում հարկավոր է կրել կոշիկի միջատակեր։

Դրանք են՝

• մեջքի ցավ

• ծնկների ցավ

• կրունկների ցավ, մատների դեֆորմացիա, անընդհատ առաջացող կոշտուկներ

• արթրիտ

• շաքարախտ Այս հիվանդության դեպքում մարդիկ երբեմն կորցնում են ոտքերի զգայունությունը, ինչի պատճառով հաճախ չեն զգում, որ անհրաժեշտ է փոխել ոտքերի դիրքը և թեթևացնել ոտնաթաթերի ծանրաբեռնվածությունը:

Օրթոպեդիկ միջատակերն օգնում են նվազեցնելու ոտնաթաթի վրա ավելորդ ճնշումը. հակառակ դեպքում այն կարող է հանգեցնել կոշտուկների և խոցերի առաջացման:

• Ոտնաթաթի կամ կոճի վնասվածքներ Ինչպե՞ս ընտրել օրթոպեդիկ միջատակ Կա ընտրության երկու տարբերակ.

• Դիմել օրթոպեդի և պատվիրել ձեր ոտքին համապատասխան միջատակ։

• Գնել պատրաստի արտադրանք խանութից Բնականաբար, առաջին տարբերակն առավել ճիշտ է և գրագետ։

Մասնագետը նախ պետք է մանրամասն զննի ձեր ոտնաթաթերի կառուցվածքը, քայլվածքը, տեղեկանա ձեր ախտանիշների և գանգատների մասին, այնուհետև նախագծի համապատասխան միջատակեր։

Ըստ հետազոտության արդյունքների էլ կմոդելավորվեն և կպատրաստվեն օրթոպեդիկ միջատակեր, որոնք արդյունավետորեն կլուծեն ձեր խնդիրը:

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին