Սպիների և հղիազոլերի հղկում՝ CO2 ֆրակցիոն լազերի օգնությամբ

Սպիների և հղիազոլերի հղկում՝ CO2 ֆրակցիոն լազերի օգնությամբ

Սպիների և հղիազոլերի ֆրակցիոն լազերային հղկումը թույլ է տալիս արագ և արդյունավետորեն ազատվել մաշկի էսթետիկ խնդիրներից:

Ի՞նչ է CO2 ֆրակցիոն լազերը, և ո՞րն է այս տեխնիկայի էությունը:

Սպիների և հղիազոլերի հղկումը CO2 ֆրակցիոն լազերի օգնությամբ իրականացվում է «Cosmopulse II» սարքի միջոցով: Այս նորագույն ընթացակարգն ի զորու է հեռացնել տարբեր բարդությունների և ծագման սպիներ՝ առանց անհարմարություն պատճառելու բուժառուին և վնաս հասցնելու առողջ հյուսվածքներին:

Այս մեթոդը, իր արդյունավետության շնորհիվ, դարձել է ճանաչված ողջ աշխարհում: CO2 ֆրակցիոն լազերի գործողությունն ուղղված է բացառապես խնդրահարույց տարածքին: Ընթացակարգի նպատակն է՝ երիտասարդացնել և թարմացնել մաշկը:

CO2 ֆրակցիոն լազերի օգնությամբ իրականացվում է մաշկի մակերեսային շերտի հավասարեցում՝ միաժամանակ հեռացնելով մաշկի դեֆորմացված հատվածները: Վնասված մանրաթելերի հատվածում սկսվում է նոր, ավելի առաձգական ու էլաստիկ հյուսվածքների աճ։ Մաշկի մակերեսը դառնում է հարթ, և վերանում են խնդիրները (սպիներ, հետքեր, հղիազոլեր): Շնորհիվ նման մեղմ ու հստակ ուղղորդված լազերային գործողության՝ առաջանում է մաշկի հյուսվածքի արագ բուժում և վերականգնում:

Ընթացակարգը չի խանգարում բուժառուին անմիջապես վերադառնալ առօրյա կյանքին: Լազերային ազդեցության ենթարկվող մաշկն ամբողջությամբ վերականգնվում է 7-14 օրվա ընթացքում:

CO2 ֆրակցիոն լազերի ցուցումները CO2 ֆրակցիոն լազերային հղկում կարող եք իրականացնել, եթե ցանկանում եք ազատվել.

• սպիներից և հետքերից,

• հղիազոլերից,

• մաշկի թոշնածությունից,

• պոստակնեի հետքերց,

• լայնացած ծակոտիներից,

• կորյակային խնդիրներց,

• կնճիռների առաջացումից,

• պիգմենտային բծերից և պեպեններից:

Ինչպե՞ս է ընթանում ընթացակարգը։

1) Ընթացակարգը սկսվում է մաշկի մաքրմամբ:

2) CO2 ֆրակցիոն լազերով սպիների և հղիազոլերի հղկումն իրականացվում է կարճ ժամանակահատվածում՝ տեղային անզգայացմամբ։

3) Խորը հղիազոլերի հեռացման համար սովորաբար անհրաժեշտ է լինում մի քանի ընթացակարգ։

4) Լազերի ազդեցությունից հետո ի հայտ է գալիս մաշկի կարմրություն և այտուցվածություն, սակայն վերականգնման ժամանակահատվածը տևում է ընդամենը մի քանի օր:

Վերականգնման ժամանակահատված Բուժումից հետո առաջին երեք օրերի ընթացքում կարող եք նկատել կարմրություն ու այտուցվածություն: Մաշկի բուժվող մակերեսը կարող է շերտազատվել, ինչը վկայում է նոր բջիջների ձևավորման ակտիվ գործընթացի մասին: Վերականգնողական շրջանում բժիշկը կարող է նշանակել անզգայացնող և հակավիրուսային դեղամիջոցների ընդունում:

Շաբաթվա ընթացքում խորհուրդ է տրվում բացառել արևի լույսի ազդեցությունը մաշկի վրա, հետաձգել այցերը սաունա և լողավազան, հրաժարվել կոսմետիկայի օգտագործումից: Արդեն մեկ շաբաթ անց հնարավոր է տեսնել բուժման արդյունավետությունը:

Հակացուցումներն են՝

• Հղիություն և կրծքով կերակրման շրջան,

• Բորբոքային գործընթացների առկայություն,

• Վարակիչ հիվանդություններ,

• Ալերգիկ ռեակցիա,

• Ուռուցքային հիվանդություններ,

• Էպիլեպսիա,

• Փսորիազ, ատոպիկ դերմատիտ,

• Արյան մակարդելիության և շաքարախտի հետ կապված խնդիրներ,

• Որոշ դեղերի ընդունում,

• Կելոիդների ձևավորման հավանականություն։
 
 

 Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին
 
 

 
 
 
 

 
 

Ի՞նչ կլինի, եթե երկար ժամանակ նստեք զուգարանակոնքին

Ի՞նչ կլինի, եթե երկար ժամանակ նստեք զուգարանակոնքին

Զուգարան գնալու ժամանակահատվածը կրճատելու համար նախ հարկավոր է հեշտացնել գործընթացը. նստե՛ք այնպես, որ ծնկները բարձր լինեն ազդրերից:

Ի՞նչ անել, եթե ականջը այտուցվել է

Ի՞նչ անել, եթե ականջը այտուցվել է

Եթե գերսառեցումից հետո ցավում է մեկ ականջը կամ երկուսը միասին, ապա հավանաբար դա պայմանավորված է միջին օտիտով: Այն ականջի վարակ է

Ինչ անել, եթե երեխան ունի լեյկոզ

Ինչ անել, եթե երեխան ունի լեյկոզ

Այս հիվանդության դեպքում խաթարվում է արյան բջիջների հասունացման գործընթացը

Միֆեր տեստոստերոն հորմոնի մասին

Միֆեր տեստոստերոն հորմոնի մասին

Տեստոստերոնն առավել մեծ քանակությամբ արտադրվում է տղամարդկանց օրգանիզմում, սակայն այն պակաս կարևոր չէ նաև կանանց առողջության և լավ ինքնազգացողության համար։