Հղիություն և ճիշտ սննդակարգ․ ի՞նչ են խորհուրդ տալիս սննդաբանները

Հղիություն և ճիշտ սննդակարգ․ ի՞նչ են խորհուրդ տալիս սննդաբանները

Հղիության գիտակցված պլանավորումը լավ առիթ է ապրելակերպը և սովորությունները վերանայելու համար: Բոլորս էլ գիտենք, որ առողջ ապրելակերպը միայն արագ հղիանալուն նպաստելու համար չէ: Մեզ անհրաժեշտ է առողջ երեխա, իսկ առողջ երեխա լույս աշխարհ բերելու հնարավորություններն ավելի մեծ են այն մայրիկների դեպքում, ովքեր նախքան հղիանալը հրաժարվել են վնասակար սովորություններից և անցել առողջ ապրելակերպի:

Ապագա մայրիկներից շատերն են այսօր գրանցվում մարմնամարզության ակումբներում և սկսում ավելի մեծ քանակությամբ մրգեր ու բանջարեղեն օգտագործել, որպեսզի կազդուրեն օրգանիզմն ու նախապատրաստեն այն հղիությանը: Դուք կարող եք հարցնել, թե ուրիշ ինչ կարող եք անել ձեր և ձեր փոքրիկի համար հղիության նախապատրաստության շրջանում: Պարզվում է, որ դեռ շատ բան կա անելու:

Այդ շրջանում հատկապես կարևոր է հավասարակշռված, ճիշտ սնունդը, որը հետագայում մեծ աջակցություն կլինի մայրիկի համար, ինչպես նաև կնպաստի փոքրիկի մարսողական համակարգի ճիշտ ձևավորմանը և զարգացմանը: Պետք չէ մոռանալ, որ կյանքի ուժի մի մասը փոքրիկին փոխանցվում է մայրիկից, և նրա առողջությունն էլ ուղղակիորեն կախված է մայրիկի առողջությունից:

Մեր օրերում հեշտությամբ կարելի է բազմաթիվ տեղեկություն գտնել ճիշտ սննդակարգի մասին: Բոլորը գրում են իրենց անձնական փորձից կամ գրում են իրենց լսածի մասին, այդ պատճառով անհրաժեշտ է զգույշ լինել: Գոյություն ունեն որոշ միֆեր ճիշտ սննդակարգի մասին, որոնց մարդիկ տարիներ շարունակ հավատում են: Այդ մտացածին պատմությունները կարող են պարզաբանել և հավաստի տեղեկություն տալ ճիշտ սննդի մասին միայն որակավորված սննդաբանները, ովքեր մասնագիտացած են սննդի հետ կապված հարցերում:

8 միֆ ճիշտ սննդակարգի մասին

1. Բոլոր ածխաջրերը վնասակար են և անհրաժեշտ է խուսափել դրանցից: Ճիշտ չէ: Ածխաջրերն ունեն չնչին կալորիականություն (կիսով չափ քիչ, քան ճարպերը): Պարզ ածխաջրատները (օրինակ շաքարը) պետք է փոխարինել բարդ ածխաջրատներով՝ չմշակված, ամբողջական հացահատիկներ, օսլա և այլն: Խնդիրներ կարող են առաջանալ միայն այն դեպքում, երբ ածխաջրերի քանակը շատ մեծ է:

2. Ցածր յուղայնության կամ անյուղ մթերքները կարելի է ուտել ցանկացած քանակությամբ: Ճիշտ չէ: Անյուղ կամ ցածր յուղայնությամբ մթերքը միշտ չէ, որ ցածր կալորիականություն է ունենում: Սովորաբար անյուղ մթերքներում համը պահպանելու համար ավելացվում է շաքար և այլ ածխաջրեր:

3. Կաթնամթերքը նպաստում է գիրացմանը և անհրաժեշտ է խուսափել դրանցից: Ճիշտ չէ: Կաթնամթերքը պարունակում է մեծ քանակությամբ սպիտակուցներ, ինչը թույլ է տալիս ամրապնդել մկանները և օգնում է օրգանիզմին ավելի լավ գործել, ինչպես նաև նրանցում պարունակվում է կալցիում, որն ամրացնում է ոսկրերը: Մարմնի քաշը վերահսկելու նպատակով ավելի լավ է օգտագործել յուղազրկված կամ ցածր յուղայնությամբ կաթնամթերք՝ օրինակ 1% յուղայնությամբ կաթ, յոգուրտ, պանիր և այլն:

4. 20:00-ից հետո ուտելը նպաստում է գիրացմանը: Ճիշտ չէ: Նշանակություն չունի, թե օրվա որ ժամին եք ուտում: Գլխավորն կերած սննդի չափաբաժինն է և ձեր կատարած ֆիզիկական աշխատանքն օրվա ընթացքում: Քաշի ավելացումը կամ պակասումը կախված է հենց այդ երկու գործոնների փոխհարաբերությունից:

5. Մթերքի սննդարարությունն ավելի կարևոր է, քան դրա ընդունման քանակը: Ճիշտ չէ: Բավականին կարևոր նշանակություն ունի ընդունվող սննդի քանակի և որակի հարաբերությունը: Ձեր օրգանիզմի համար անհրաժեշտ ճարպերի, շաքարի և կալորիաների քանակը պահպանելու համար անհրաժեշտ է սննդարար մթերք ընտրելիս հաշվի առնել նաև դրա չափաբաժինը:

6. Լավ տեսք ունենալու համար անհրաժեշտ է օրական 45 րոպե կատարել ֆիզիկական վարժություններ: Ճիշտ չէ: Իրականում մեծահասակների համար ինտենսիվ ֆիզիկական ծանրաբեռնվածությունը պետք է կազմի օրական ոչ պակաս, քան 30 րոպե: Բայց հետազոտությունները ցույց են տվել, որ վարժությունները կարելի է կատարել ոչ թե 30 րոպե մեկ անգամից, այլ կարելի է այն բաժանել 2 մոտեցման՝ 15-ական րոպեյով, դա նույնպես կապահովի լավ արդյունք:

7. Բոլոր բուսակերները սնվում են աողջ սննդով: Ճիշտ չէ: Բուսակերները միջինում ընդունում են ավելի պակաս կալորիաներ և ճարպեր: Այնինչ նրաք կարող են ընդունել նաև ցածր սննդային արժեքով, բայց բարձր կալորիականությամբ սնունդ՝ դրանով իսկ նպաստելով քաշի ավելացմանը: Բուսակերություն հասկացությունը առողջության հոմանիշ չէ:

8. Եթե հետևում եք սննդակարգին, ֆիզիկական վարժություններ կարելի է չկատարել: Ճիշտ չէ: Նիհարելու ընթացքում վարժությունները կօգնեն մեծացնել մկանային զանգվածը և նվազեցնել ճարպային պաշարները: Այնինչ՝ կանոնավոր ֆիզիկական վարժություններ կատարելու արդյունավետությունը դուրս է գալիս առողջ քաշի պահպանման սահմաններից:

Հնարավոր է, որ դուք էլ լսել և հավատացել էիք այս միֆերին: Այդ դեպքում ինչպե՞ս տարբերել հավաստի տեղեկությունը շփոթությունից: Հղիության նախապատրաստման շրջանում խորհուրդ է տրվում մասնագետների պարտադիր այցելության ցանկում ներառել նաև սննդաբանին: Հաշվի առնելով ձեր կյանքում սպասվող փոփոխությունները՝ դա շատ կարևոր է և անհրաժեշտ է սննդի չափաբաժինը կարգավորելու համար:

Սննդաբանի կողմից ձեզ համար մշակված անհատական սնդդակարգը կբարելավի ստամոքսաղիքային տրակտի աշխատանքը, ինչն իր հերթին կհանգեցնի հորմոնային ֆոնի կարգավորմանը, իմունիտետի ամրապնդմանը, օրգանիզմի պաշարների ավելացմանը, կակտիվացնի օրգանիզմի պաշտպանիչ ուժերը, ինքնակարգավորման կարևորագույն մեխանիզմները և կնպաստի օրգանիզմի ընդհանուր կազդուրմանը:

Ձեր առողջության ամրապնդման համար պետք չէ սպասել լաբորատոր հետազոտությունների վատ արդյունքների, այլ պետք է օգտվել ձեր և ձեր ապագա փոքրիկի առողջության մասին նախօրոք հոգալու հնարավորությունից:

Ի՞նչ կպատահի, եթե թթված կաթ կամ ժամկետանց կեֆիր խմեք

Ի՞նչ կպատահի, եթե թթված կաթ կամ ժամկետանց կեֆիր խմեք

Թարմ կաթը գործնականում զերծ է բակտերիաներից

Աղիքների համար օգտակար 10 մթերքներ

Աղիքների համար օգտակար 10 մթերքներ

Նստակյաց ապրելակերպը և ոչ ճիշտ սննդակարգը հաճախ բացասաբար են անդրադառնում մարսողական համակարգի վրա: Կարող եք բարելավել իրավիճակը՝ փոփոխելով ձեր սննդակարգը

Սննդակարգը փորկապության դեպքում. օգտակար և վնասակար մթերքները

Սննդակարգը փորկապության դեպքում. օգտակար և վնասակար մթերքները

Փորկապությունը տարածված խանգարում է, որը նկատվում է բոլոր տարիքային խմբերի տղամարդկանց ու կանանց մոտ

Ինչո՞ւ և որքա՞ն ուտել հացահատիկի թեփ

Ինչո՞ւ և որքա՞ն ուտել հացահատիկի թեփ

Թեփը ստանալու համար մանրացնում են հացահատիկը։ Այն ներառում է վիտամիններ՝ PP, B1, B2, E, երկաթ, մագնեզիում, ցինկ, կալիում և այլ օգտակար հանքային տարրեր: