Սերուցքային կարագը պատրաստվում է կովի անարատ կաթից, ընդ որում` միայն 82,5 %  յուղայնությամբ սերուցքից։ Ավելի ցածր տոկոսայնության դեպքում այն սերուցքային չի համարվում։

Կաթնայուղն օժտված է կենսաբանական և համային արժեքավոր որակներով։ Այն պարունակում է ճարպաթթուներ, մեծ քանակությամբ ֆոսֆատիդներ և ճարպալույծ վիտամիններ, ունի հալման ցածր ջերմաստիճան (32—35 °C), հեշտությամբ է յուրացվում օրգանիզմում։

Պարունակում է նաև սպիտակուցներ, ճարպեր, ջրում լուծվող մի քանի վիտամիններ, վիտամին Aև D, կարոտին, հանքանյութեր և ջուր։ Ունի բարձր կալորիականություն (730 կկալ / 100 գ)։

Օգտակար այն անձանց համար, որոնք մարսողության խնդիրներ ունեն։ Հեշտ է յուրացվում և մեծ էներգիա է տալիս օրգանիզմին, այդ պատճառով էլ հացով կարագը լավագույն նախաճաշն է համարվում։

Ցուցված է ստամոքսի և տասներկումատնյա աղիքի հիվանդությունների դեպքում․ վիտամին A-ն արագացնում է փոքր խոցերի ապաքինումը։ Ճարպերը կարևոր դեր ունեն օրգանիզմում և կարևոր դեր են խաղում բջիջների թարմացման հարցում։

Պարունակում է օլեինաթթու, որը ճնշում է քաղցկեղի առաջացումը, լավացնում է արյան լիպիդների ընդհանուր հավասարակշռությունը։ Կարագի չափավոր օգտագործումն օգտակար է օրգանիզմի համար։

Վնասակար հատկությունները

Կարագի հաճախակի օգտագործումը կարող է հանգեցնել ճարպակալման, աթերոսկլերոզի և սրտանոթային համակարգի հիվանդությունների, քանի որ մեծ քանակությամբ խոլեստերին և հագեցած ճարպաթթուներ է պարունակում, որոնք կարող են խցանել անոթները։ Հնարավոր է, որ սերուցքային կարագը ալերգիա առաջացնի, բայց հազվադեպ։ Այդ պայմանավորված է կաթնային սպիտակուցների առկայությամբ։

 

Աղբյուրը՝ edaplus.info