Ինչպե՞ս պահպանել երիկամների առողջությունը 

Ինչպե՞ս պահպանել երիկամների առողջությունը  

Երիկամները զուգակցված ներքին օրգաններ են, որոնք շատ կարևոր դեր են խաղում օրգանիզմի կենսական գործառույթները պահպանելու գործում: Բազմաթիվ այլ գործառույթների շարքում երիկամները պատասխանատու են նաև արյան մաքրման, օրգանիզմի նյութափոխանակության և արյան ճնշումը կարգավորելու համար: Երիկամների առողջությունն ուղղակիորեն կախված է մարդու օրգանիզմի ընդհանուր վիճակից և նրա ապրելակերպից:  

Անկասկած, ուզում եք իմանալ, թե ինչ միջոցներ կարող են ձեռնարկվել երիկամների առողջության պահպանման համար: Առաջին հերթին՝ հետևե՛ք առողջ սննդակարգին։ 

 1 Ավելի շատ միրգ ու բանջարեղեն կերեք: 

 Դուք, անշուշտ, գիտեք, որ մրգերն ու բանջարեղենը պարունակում են հակաօքսիդիչներ, մանրաթելեր, վիտամիններ և հանքանյութեր: Այս բոլոր նյութերը անհրաժեշտ են մարդու մարմնի պատշաճ գործունեության համար: Ահա թե ինչու շատ կարևոր է, որ այս սննդամթերքները կազմեն ձեր սննդակարգի մեծ մասը: Բացի այդ, բուսական սննդի մեջ շատ ցածր է նատրիումի իոնների պարունակությունը (որոնք կերակրի աղի բաղկացուցիչ մասն են): Սննդի մեջ աղի չափազանց շատ օգտագործումը բացասաբար է անդրադառնում արտազատվող համակարգի գործունեության վրա և կարող է առաջացնել երիկամների քարերի առաջացում: Աղի ընդունումը նվազեցնելու համար օգտագործեք մի պարզ հնարք՝ ուտելիք պատրաստելիս վերցրեք բաղադրատոմսում նշված աղի միայն կեսը, իսկ կեսը փոխարինեք այլ համեմունքներով: 

2 Ո՛Չ ասեք տապակած կերակուրներին և ԱՅՈ՛՝ առողջ ճարպերին և յուղերին: Արագ սնունդը և վերամշակված սնունդը հարուստ են աղով, անառողջ հագեցած ճարպերով և տրանս-ճարպերով, այնպես որ հնարավորության դեպքում պետք է խուսափել այդ կերակուրներից: Ընտրեք թարմ, չմշակված սնունդ: Եթե դրանք գնելու հնարավորություն չունեք, կարող եք բավարարվել սառեցրած սնունդով: Ճարպոտ ձուկը, ձիթապտղի յուղը, չոր մրգերը և ավոկադոն պարունակում են մեծ քանակությամբ առողջ ճարպեր, որոնք անհրաժեշտ են ներքին օրգանների մակերևույթին պաշտպանական շերտ ստեղծելու համար:  

3 Ուշադրություն դարձրեք մատուցման չափին: Վերցրեք քիչ սնունդ և դանդաղ կերեք։ Եթե ձեր սնունդը հարուստ է սննդարար նյութերով, բավական է ուտել փոքր մաս՝ մարմնին ճիշտ քանակությամբ սնուցիչներ ապահովելու համար: Դուք ձեզ ամբողջ օրվա ընթացքում ակտիվ կզգաք և կկարողանաք վերահսկել ձեր քաշը: Ավելորդ քաշը և ճարպակալումը նպաստում են լուրջ հիվանդությունների՝ ներառյալ շաքարային դիաբետի և հիպերտոնիայի զարգացմանը, որոնք էապես մեծացնում են երիկամների և սրտանոթային հիվանդությունների հավանականությունը: Երիկամներն ավելի լավ են աշխատում, եթե անձի քաշը համապատասխանում է տարիքին և կազմվածքին։ 

Կատարե՛ք ֆիզիկական վարժություններ  

1 Ավելի շատ քայլեք: Փորձեք ավելի շատ քայլել, երբ առիթ լինի: Քայլելը ֆիզիկական վարժությունների ամենաբնական և արդյունավետ ձևերից մեկն է: Ֆիզիկական ակտիվությունը դանդաղեցնում է մարմնի ծերացումը և պահպանում օրգանների առողջությունը, որոնք շատ կարևոր են երիկամների բնականոն գործունեության համար:  

2 Նախապատվությունը տվեք ֆիզիկական գործունեությանը, որտեղ ներգրավված են մկանների բոլոր հիմնական խմբերը: Ակտիվ սպորտով զբաղվելը կարող է օգնել առողջ մնալուն: Լողը, հեծանվավազքը, լեռնային հեծանվավազքը և թիավարությունը ֆիզիկական գործունեության մի քանի օրինակներ են: Այս սպորտաձևերը ոչ միայն կօգնեն ուժեղացնելու ձեր մարմնի մկանները, այլ նաև կօգնեն ձեզ պահպանելու օպտիմալ քաշը և նվազեցնելու քրոնիկական հիվանդությունների ռիսկը:  

3 Ընտրեք այնպիսի սպորտաձևեր, որոնք ձեզ դուր են գալիս: Հակառակ դեպքում ոչինչ չի ստացվի։ 

Խորհուրդներ  

• Խմե՛քշատ ջուր, բնական հյութեր՝ առանց շաքարի։  
• Փորձեք տարեկանբուժզննումանցնել: Կլինիկական հետազոտության մեջ ներառված վերլուծությունները և բժշկական ընթացակարգերը (արյան ճնշման չափում, շաքարի և խոլեստերինի մակարդակի որոշում և որոշ այլ թեստեր) կօգնեն բժշկին գնահատելու ձեր արտազատման համակարգի վիճակը և պարզելու, թե արդյոք դուք երիկամների հիվանդություն ունենալու ռիսկի ենթակա եք: 
• Ծխելը և մեծ քանակությամբ ալկոհոլ օգտագործելը մեծացնում ենհիպոթենզիայի և շաքարախտի առաջացման հավանականությունը. հիվանդություններ, որոնք կարող են հարուցել երիկամների հիվանդություն կամ վատթարացնել առկա խնդիրները:  

Փորձեք խուսափել այս վատ սովորություններից: 

Աղբյուրը