Հնարավորինս հաճախ լոռամրգի (клюква) ուտելու 6 պատճառ 

1. Այն պարունակում է շատ վիտամիններ 

100 գ թարմ լոռամրգին պարունակում է վիտամին С-ի օրական չափաբաժնի 24 %-ը: Այն օգտակար է. ասկորբինաթթուն նվազեցնում է քրոնիկ բորբոքային գործընթացների ռիսկը, օգնում է կարգավորելու արյան ճնշումը, ուժեղացնում է իմունային համակարգը, նպաստում է երկաթի կլանմանը, ինչը նշանակում է, որ այն պաշտպանում է սակավարյունությունից: 

2. Այն հարուստ է հակաօքսիդանտներով 

Սա նույն վիտամին C-ն ու մանգանն է, և ավելի առանձնահատուկ միացությունները, մասնավորապես` պոլիֆենոլները. 

Քվերցետին. այս հակաօքսիդիչի շնորհիվ լոռամրգին ունի հակաքաղցկեղային ակտիվություն: Հատապտուղը թերևս քվերցետինի ամենահարուստ բուսական աղբյուրն է: 

Միրիցետին. սա ևս ունի հակաքաղցկեղային ակտիվություն: Բացի այդ՝ այս հակաօքսիդիչը լավ կանխարգելիչ միջոց է սրտանոթային հիվանդությունների և շաքարային դիաբետի համար: 

Պեոնիդին. այս հակաօքսիդիչ գունանյութը լոռամրգիին տալիս է կարմրամանուշակագույն երանգ: Այն նաև դեր է խաղում սրտանոթային խանգարումների, բորբոքային հիվանդությունների կանխարգելման գործում և նույնիսկ օգնում է պաշտպանելու ուղեղի նեյրոնները: 

Ուրսոլաթթու. այս հակաօքսիդիչը հանդիպում է բազմաթիվ բուժիչ խոտաբույսերի մեջ և ունի հզոր հակաբորբոքային հատկություններ: 

Ընթերցեք նաև՝ Ֆեյխոա (վարդաթուզ)

3․ Լոռամրգին պաշտպանում է միզուղիների վարակներից 

Որպես կանոն,  աղիքային մանրէները հանգեցնում են միզուղիների վարակների (ցիստիտ, միզածորանի պիելոնեֆրիտ): 

4. Հատապտուղը կարող է «չեղարկել» հակաբիոտիկների նկատմամբ կայունությունը 

5. Լոռամրգին օգնում է պահպանելու ուղեղի առողջությունը հակաօքսիդիչ նյութերի շնորհիվ, որոնք ունեն նեյրոպրոտեկտիվ գործունեություն, այսինքն՝ դրանք օգնում են օրգանիզմին դիմակայելու նեյրոնների մուտացիաներին և ոչնչացմանը: Սա նշանակում է, որ դրանք պաշտպանում են ուղեղը նեյրոդեգեներատիվ փոփոխություններից, ինչպիսիք են՝ Պարկինսոնի հիվանդությունը կամ Ալցհեյմերը: 

6. Բարելավում է սրտանոթային առողջությունը 

Ինչպես նշեցինք, լոռամրգին հարուստ է հակաօքսիդիչներով, որոնք դեր են խաղում սրտանոթային հիվանդությունների կանխարգելման գործում: Հետազոտությունների մեծ մասը ցույց է տալիս, որ լոռամրգիի հյութը՝ 

• բարձրացնում է «լավ» խոլեստերինի մակարդակը 

• նվազեցնում է «վատ» խոլեստերինի քանակը, առնվազն 2-րդ տիպի շաքարախտով հիվանդների մոտ 

• արյան անոթները դարձնում է ավելի առաձգական, ինչը օգնում է կարգավորելու ճնշումը 

• նվազեցնում է արյան անոթների բորբոքման ռիսկը: