Ի՞նչ անել, եթե միզելու ժամանակ ցավ ու այրոց կա 

Միզելու ընթացքում ուղեկցվող ցավն և այրոցը անվանում են դիզուրիա: Ամենից հաճախ այրոցը և ցավն արտահայտվում են որպես բորբոքում, որն առաջացել է միզուղիներում: 

Անմիջապես այցելեք բժշկի, ուրոլոգի կամ ուրոգինեկոլոգի, եթե դիզուրիան ուղեկցվում է. 

• ջերմաստիճանի կտրուկ բարձրացումով 

• գոտկատեղում շոշափելի ցավով 

•մեզի մեջ արյան հետքերով 

•մեզի պղտորությամբ կամ սուր տհաճ հոտով 

•առնանդամից կամ հեշտոցից անսովոր արտադրությամբ 

Որո՞նք են միզելու ժամանակ այրոցի և ցավի առաջացման պատճառները 

1. Միզուղիների ինֆեկցիա (UTI) 

Դրանք սովորաբար առաջանում են մանրէների պատճառով, որոնք կարող են հարձակվել միզուղիների համակարգի ցանկացած մասի վրա՝ երիկամներից և միզապարկից մինչ միզուկ: 

Միզուղիների վարակները ներառում են. 

• ուրետրիտ (միզուկի վարակ) 

• ցիստիտ (միզապարկի բորբոքում) 

• պիելոնեֆրիտ (երիկամների բորբոքում) 

2. Սեռական ճանապարհով փոխանցվող ինֆեկցիաներ (սեռավարակներ) 

Քլամիդիան, գոնորեան, տրիխոմոնիազը, հերպեսը նույնպես կարող են առաջացնել միզուղիների բորբոքում: 

3. Պրոստատիտ 

Նույն մանրէները, որոնք առաջացնում են միզուղիների վարակներ կամ սեռավարակներ, կարող են հանգեցնել շագանակագեղձի  բորբոքման: Բայց երբեմն պրոստատիտը զարգանում է նստակյաց աշխատանքի, ցածր ֆիզիկական ակտիվության և վատ սովորությունների պատճառով: 

4. Երիկամների քարեր 

Քարերը աղերի կոշտ նստվածքներ են, որոնք առաջանում են երիկամների ներսում: Երբեմն քարերը կուտակվում են միզածորանի մոտ՝ միզախողովակում: Միզելիս խողովակն ընդլայնվում է, որպեսզի հեղուկը անցնի, աղի նստվածքները սկսում են սեղմվել դրա վրա, և ցավ է առաջանում: 

5. Ձվարանների կիստաներ 

Երիկամների քարերի նման, ձվարանների մեջ առաջացած կիստաները (հեղուկով լցված ընդլայնված խոռոչներ) կարող են ճնշել միզապարկը և միզելիս ցավ պատճառել: 

6. Քիմիական գրգռիչների հետ շփում 

Սեռական օրգանների գրգռումը կարող է առաջանալ նաև այն դեպքում, երբ դուք ալերգիկ եք կամ գերզգայուն որոշակի լվացող միջոցների, գործվածքների և հիգիենայի պարագաների նկատմամբ:  

7. Անպատշաճ դեղամիջոցների ընդունում 

Որոշ դեղամիջոցներ կարող են գրգռել և բորբոքել միզապարկի հյուսվածքները: