9 գիտական փաստ կակաոյի օգտակարության և վնասակարության մասին

9 գիտական փաստ կակաոյի օգտակարության և վնասակարության մասին

Ինչո՞ւ ենք սիրում կակաոն
Արևադարձային ծառի հատիկներից պատրաստված խմիչքները և ուտեստները անհամաձայնություններ են առաջացնում սննդաբանների շրջանում, բայց ժամանակակից ուսումնասիրությունները ցույց են տալիս, որ կակաոն պարունակում է կարևոր միացություններ, որոնք օգտակար են առողջության համար:


Կակաոյի սննդային արժեքը

Կակաոն ստանում են հատիկներն աղալով, որոնցից ճարպերը հեռացվում են: Արդյունքում ստացված յուղն օգտագործվում է նաև խոհարարության և կոսմետոլոգիայի մեջ: Չնայած օգտակար հատկություններին՝ սննդաբանները խորհուրդ են տալիս ըմպելիքն օգտագործել չափավոր՝ նրա բարձր կալորիականության պատճառով: Մի փոքր բաժակ կակաոն (86 գ) պարունակում է՝
• 34 % ածխաջրեր
• 50 % ճարպ
• 16 % սպիտակուցներ
• 196 կկալ
Օգտակար վիտամիններն ամենօրյա տոկոսադրույքով.
• 1.9 մգ վիտամին B3 – 9 %
• 2.2 մգ վիտամին K – 3 %
• 0.2 մգ վիտամին B2 – 12 %
• 27,5 մգ ֆոլաթթու – 7 %
Բնական կակաոն պարունակում է շատ օգտակար միներալներ: Մեկ չափաբաժնում կա՝
• 110 մգ կալցիում`11 %
• 11.9 մգ երկաթ՝ 66 %
• 429 մգ մագնեզիում`107 %
• 631 մգ ֆոսֆոր՝ 63 %
• 1131 մգ կալիում ` 37 %
• 12.3 մգ սելեն՝ 18 %


Կակաոն պարունակում է բնական հակաօքսիդիչներ
Կակաոն պոլիֆենոլների ամենահարուստ աղբյուրներից մեկն է, որոշ մրգերի, բանջարեղենի, թեյի և կարմիր գինու հետ միասին: Այնուամենայնիվ, կակաոյի վերամշակված տարբերակը, որն էլ հաճախ օգտագործում են արտադրողները, կարող են հանգեցնել օգտակար հատկությունների կորստի. այս դեպքում Flavonal-ը նվազում է 60 %-ով:
Նվազեցնում է արյան ճնշումը
Կակաոն մեծացնում է արյան մեջ ազոտի օքսիդի մակարդակը և իջեցնում է ճնշումը։
Նվազեցնում է սրտի կաթվածի և ինսուլտի ռիսկերը։
Կակաոյի մեջ առկա ֆլավոնոիդներն ընդլայնում են զարկերակները և արյան անոթները, նվազեցնում են «վատ» խոլեստերինի մակարդակը և ունեն արյունը խտացնող ազդեցություն, որը նման է ասպիրինի ազդեցությանը: Այս հատկություններն ուղղակիորեն ազդում են ինսուլտի առաջացման և սրտի կաթվածի կանխարգելման վրա:
Բարելավում է ուղեղի գործառույթները
Մի քանի փորձեր հաստատել են, որ կակաոն կարող է նվազեցնել նյարդային հիվանդությունների ռիսկը` բարելավելով արյան հոսքը: Ըմպելիքների կազմում առկա ֆլավոնոիդները ներգրավված են ուղեղի գործունեության համար նեյրոնների և մոլեկուլների արտադրության կենսաքիմիական գործընթացներում: Դրանք նաև ազդում են ազոտի օքսիդի զարգացման, անոթների մկանների թուլացման վրա, որի արդյունքում բարելավվում է արյան մատակարարումը:


Բարձրացնում է տրամադրությունը
Կակաոն կարող է բարելավել տրամադրությունը և օգնել հաղթահարել դեպրեսիայի ախտանիշները: Դա պայմանավորված է տրիպտոֆանի արտադրությամբ, որը կարգավորում է հուզական աշխարհը։ Կակոյի դրական ազդեցությունը կախված է նաև նրա կազմում առկա կոֆեինից։Այն արագացնում է սրտի բաբախը, մեծացնում է ուշադրության կենտրոնացումը։
Այն ունի հակաշաքարախտային ազդեցություն
Կակաոյի չափազանց շատ օգտագործումը մեծացնում է արյան շաքարի մակարդակը, մանավանդ, եթե նախընտրում եք քաղցր ըմպելիք կամ թունդ շոկոլադ: Բայց լաբորատորիայում կատարված հետազոտությունները ցույց են տվել, որ ֆլավոնոիդները կարող են դանդաղեցնել աղիքում ածխաջրերի կլանումը և մարսումը, բարելավել ինսուլինի սեկրեցումը և խթանել շաքարի կլանումը մկանների կողմից: Առանց շաքարի կակաոյի հաճախակի օգտագործումը նվազեցնում է 2-րդ տիպի շաքարախտի ռիսկը:
Օգնում է վերահսկել քաշը


Որքան էլ հակասական է՝ բարձր կալորիականությամբ խմիչքը և շոկոլադե սալիկներն օգնում են պահպանելու քաշը: Կակաոն կարգավորում է ածխաջրերի կլանումը, նվազեցնում է ախորժակը սննդի հաշվին և ուժեղացնում է ճարպերի օքսիդացումը: Ուսումնասիրությունները հաստատել են, որ մարդիկ, ովքեր հաճախ օգտագործում են ըմպելիքը, ունեն BMI-ի ցածր մակարդակ (մարմնի զանգվածի ինդեքս), համեմատած այն անձանց, ովքեր չեն օգտագործում կակաո: Մեկ այլ փորձի հեղինակներ պնդում են, որ կակաոն բացասաբար է անդրադառնում մարդու քաշի վրա, բայց այս դեպքում գիտնականները չէին տարբերակում սպիտակ, կաթնային և դառը շոկոլադը, քանի որ միայն վերջինս ունի օգտակար հատկություններ` նվազագույն կողմնակի բարդություններով:


Նվազեցնում է ասթմայի ախտանիշները
Ասթման քրոնիկ հիվանդություն է, որն առաջացնում է շնչուղիների աբստրուկցիա և բորբոքում: Կակաոն պարունակում է թեոբրոմին և թեոֆիլին, որոնք նպաստում են ասթմայի ախտանիշներից ազատվելուն: Առաջինը, կարծես, գործում է կոֆեինի նման և օգնում է հազի դեպքում, երկրորդը թույլ է տալիս թոքերին ընդլայնվել. վերին շնչառական տրակտը հանգստանում է, և բորբոքման տարածքը նվազում է:
Ունի հակաբակտերիալ և իմունոստիմուլյացիոն հատկություններ
Մի քանի ուսումնասիրությունների հեղինակներ համոզված են, որ կակաոն ունի պաշտպանիչ հատկություններ: Այս ըմպելիքը դրական ազդեցություն է թողնում լնդերի և ատամների վրա՝ պաշտպանելով նրանց կարիեսից: Այն շատ միացություններ ունի հակաբակտերիալ ազդեցությամբ, որոնք օգնում են բերանի խոռոչն առողջ պահելուն:


Կակաոյի վնասակար հատկությունները
Կակաոն օգտակար է առողջության ու գեղեցկության համար, բայց չափից շատ օգտագործման դեպքում այն բացասաբար կանդրադառնա քաշի վրա և ազդեցություն կունենա նյարդային համակարգի վրա: Ցանկացած սննդամթերք, անկախ օգտակար հատկություններից, պետք է օգտագործվի չափավոր: Փորձագետները կարծում են, որ շոկոլադի անվտանգ չափաբաժինը օրական 50 գ է: Այսինքն, սալիկի մոտ կեսը, բայց առնվազն 50 % կակաոյի պարունակությամբ: Խմիչքը ուժեղացնում է ենթաստամոքսային գեղձի գործառույթները, ուստի ստամոքսի բարձր թթվայնություն ունեցող անձանց խորհուրդ չի տրվում հաճախակի օգտագործել կակաո:
Հիշեք կակաոյի խթանիչ հատկությունների մասին. ինչպես սուրճը, կակաոն նույնպես պետք չէ օգտագործել քնելուց առաջ: Ալերգիկ ռեակցիաները նույնպես չեն բացառվում, հատկապես հաճախակի օգտագործման դեպքում, հետևաբար ավելի լավ է սահմանափակվել օրական երկու բաժակով:

Աղբյուրը
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին

Ի՞նչ կպատահի, եթե թթված կաթ կամ ժամկետանց կեֆիր խմեք

Ի՞նչ կպատահի, եթե թթված կաթ կամ ժամկետանց կեֆիր խմեք

Թարմ կաթը գործնականում զերծ է բակտերիաներից

Աղիքների համար օգտակար 10 մթերքներ

Աղիքների համար օգտակար 10 մթերքներ

Նստակյաց ապրելակերպը և ոչ ճիշտ սննդակարգը հաճախ բացասաբար են անդրադառնում մարսողական համակարգի վրա: Կարող եք բարելավել իրավիճակը՝ փոփոխելով ձեր սննդակարգը

Սննդակարգը փորկապության դեպքում. օգտակար և վնասակար մթերքները

Սննդակարգը փորկապության դեպքում. օգտակար և վնասակար մթերքները

Փորկապությունը տարածված խանգարում է, որը նկատվում է բոլոր տարիքային խմբերի տղամարդկանց ու կանանց մոտ

Ինչո՞ւ և որքա՞ն ուտել հացահատիկի թեփ

Ինչո՞ւ և որքա՞ն ուտել հացահատիկի թեփ

Թեփը ստանալու համար մանրացնում են հացահատիկը։ Այն ներառում է վիտամիններ՝ PP, B1, B2, E, երկաթ, մագնեզիում, ցինկ, կալիում և այլ օգտակար հանքային տարրեր: