Ինչպե՞ս ազատվել կախված որովայնից ծննդաբերությունից հետո

Ինչպե՞ս ազատվել կախված որովայնից ծննդաբերությունից հետո

Ծննդաբերությունից հետո 2-6 շաբաթվա ընթացքում կնոջ քաշն արագորեն նվազում է, բայց դա տեղի է ունենում հիմնականում ջրի պատճառով, իսկ Հղիության ընթացքում կուտակված ճարպը չի վերանում: Երեխայի ծնունդից հետո կանանց մոտ 2/3-րդը կշռում է ավելին, քան հղիությունից առաջ: 3-7 կգ ավելացումը կարող է պահպանվել մինչև վեց ամիս, երբեմն էլ մնալ ողջ կյանքի ընթացքում:

Ընթերցեք նաև՝ Բրոկոլի ուտելու 8 պատճառ

Ինչպե՞ս ձգել որովայնը ծննդաբերությունից հետո։ Արդյունքի հասնելու համար կարևոր է համատեղել մի քանի միջոցներ. հետևել սննդակարգին, կատարել ֆիզիկական վարժություններ և հոգալ մաշկի խնամքի մասին։ Ստորև կներկայացնենք այս կետերն առավել մանրամասն:

Ինչպե՞ս սնվել։

Ըստ հետազոտությունների՝ դիետան բավականին արդյունավետ է ծննդաբերությունից հետո կուտակված ավելորդ քաշից ազատվելու համար։ Եթե առողջական խնդիրներ չունեք, փորձեք հետևել այս սննդակարգին.

• Նվազեցրեք սննդակարգի կալորիականության պարունակությունը 500 կկալով:

• Անհրաժեշտ էներգիան ստացեք 50-60%-ը ածխաջրերից, 30%-ը ճարպերից և 10-20%-ը սպիտակուցներից:

• Սահմանափակեք քաղցրավենիքի օգտագործումը. շաբաթական մինչև 100 գ:

• Ճաշի և ընթրիքի ժամանակ ափսեի կեսը պետք է զբաղեցնի բանջարեղենը:

• Փորձեք ընտրել այնպիսի մթերքներ, որոնք հնարավորինս քիչ են հագեցած ճարպերով և շաքարով:

Ինչպիսի՞ ֆիզիկական վարժություններ կատարել։

Ֆիզիկական վարժությունները այնքան էլ արդյունավետ չեն ավելորդ քաշից ազատվելու համար, եթե չվերահսկեք նաև Ձեր սննդակարգը։ Ֆիզիկական վարժությունները կարող են ձգել հղիության ընթացքում թուլացած որովայնի մկանները , վերացնել դիաստազը, ինչպես նաև բարելավել քունը, նվազեցնել սթրեսը և թեթևացնել հետծննդաբերական դեպրեսիայի ախտանիշները:

Ծննդաբերությունից երկու ամիս անց կարող եք սկսել կատարել ֆիզիկական վարժություններ ` մկաններն ամրացնելու համար: Ահա՛ մարզանքի օրինակ, որը կարող եք կիրառել այս ժամանակահատվածում.

• Դիֆրագմատիկ շնչառություն - 20 շունչ և արտաշունչ՝ 3 մոտեցմամբ:

• Կոնքի հատակի մկանների մարզանք - 5 վայրկյան կծկում, 10 վ թուլացում (3-5 մոտեցում):

• Պլանկա - 3 մոտեցմամբ՝ 10-20 վայրկյան:

• Որովայնի մկանների կծկում պառկած դիրքում. 5 վայրկյան կծկում, 10 վայրկյան թուլացում (3-5 մոտեցում):

•Պրեսի ընթացքում դեպի աջ և ձախ պտույտներ. 3 մոտեցում, 20 անգամ: Վեց ամիս անց կարող եք աստիճանաբար մեծացնել ծանրաբեռնվածությունը, կատարել ուժային վարժություններ, կատարել կարդիո-վարժություններ մարզասարքերով կամ լողավազանում: Նաև շատ կարևոր է նվազեցնել սթրեսի մակարդակը։ Հասկանալի է, որ դա չափազանց դժվար է անել փոքր երեխայի հետ, բայց որոշ խորհուրդներ կօգնեն Ձեզ.

• Պարտականությունների մի մասը կիսեք հարազատների հետ:

• Փորձեք ավելի հաճախ հանգստանալ, օրինակ, օրվա ընթացքում քնեք երեխայի հետ:

• Ավելի հաճախ քայլեք և զբաղվեք չափավոր ֆիզիկական գործունեությամբ:

• Փորձեք թուլանալ ու խաղաղվել յոգայի, շնչառական վարժությունների, մեդիտացիայի միջոցով:

Ո՞ր կոսմետիկ ընթացակարգերը կարող են օգնել ազատվել կախված որովայնից ծննդաբերությունից հետո։ Էսթետիկ կենտրոններն առաջարկում են մի շարք ընթացակարգեր՝ ուլտրաձայնային, ինֆրակարմիր ճառագայթում, մերսում, կրիոթերապիա, ապարատային մերսումներ, մաշկի ձգում, ճարպայրիչ ներարկումներ և այլն։

Ըստ մի շարք ուսումնասիրությունների՝ նման մեթոդները կարող են որովայնը 2-5 սմ-ով փոքրացնել, ինչպես նաև բարելավել մաշկի առաձգականությունը:

Սակայն, եթե առկա են կախված որովայն, չափից շատ թուլացած մաշկ և պորտի հատվածում դեֆորմացիա, բազմաթիվ հղիազոլեր և մկանների թուլացում, ապա օգնության կարող է գալ աբդոմինոպլաստիկան։

Աբդոմինոպլաստիկան պլաստիկ վիրահատություն է, որի դեպքում հեռացվում է ավելորդ ճարպը և ձգվում է մաշկը։
 

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին