Regulon հակաբեղմնավորիչ հաբեր

Regulon հակաբեղմնավորիչ հաբեր

Regulon հաբերը երկու հորմոնների համադրություն են և պատկանում են մոնոֆազային ցածր չափաբաժին ունեցող համակցված օրալ հակաբեղմնավորիչների շարքին. «Estrogen Estradiol»-ը՝ 30 մկգ չափաբաժնով, խանգարում է ֆոլիկուլի սինթեզին նպաստող հորմոնի արտադրությանը և ճնշում է ձվազատումը, իսկ «Gestagen Deogestrel»- ը` 150 մկգ չափաբաժնով, կանխում է սերմնահեղուկի ներթափանցումը արգանդի մեջ՝ խաթարելով էնդոմետրիումի «նախապատրաստումը» իմպլանտացիային։

Ռեգուլոնը պարունակում է նաև օժանդակ բաղադրիչներ՝ ալֆա-տոկոֆերոլ (վիտամին E), մագնեզիումի ստեարատ, պովիդոն, կարտոֆիլի օսլա, լակտոզա և այլն:

Ինչո՞ւ են ընդունում Ռեգուլոն հաբերը

Կանայք այս միջոցն ընդունում են հակաբեղմնավորման համար: Հղիությունից պաշտպանելուց զատ՝ Ռեգուլոնը նաև կարգավորում է դաշտանային ցիկլը, դրա ժամանակ առաջացող ցավը, նվազեցնում է դաշտանային արյունահոսության ինտենսիվությունը և սակավարյունության զարգացման ռիսկը:

Որքա՞ն կարելի է խմել ռեգուլոն՝ առանց ընդմիջման:

Ռեգուլոնի 1 տուփը պարունակում է 21 հաբ, որոնք ամեն օր պետք է ընդունել միևնույն ժամին: Այնուհետև պետք է 7 օր ընդմիջում տալ, որի ընթացքում սկսվում է էնդոմետրիումի մերժումը (դաշտան): 7-օրյա ընդմիջումից հետո նորից հարկավոր է շարունակել հաբերի ընդունումը՝ բացելով նոր տուփ։

Ռեգուլոնի հակացուցումները
Ռեգուլոնը չի կարելի ընդունել մի շարք հիվանդությունների և պայմանների դեպքում, որոնցից են.
• Երակային թրոմբոզ,
• զարկերակային թրոմբոզ կամ թրոմբոէմբոլիա,
• սրտամկանի ինֆարկտ,
• ինսուլտ,
•նախատրամադրվածություն (ժառանգական կամ ձեռքբերովի) թրոմբոզի
առաջացման նկատմամբ,
• շաքարախտ,
• ծխախոտի օգտագործում,
• հիպերտոնիա,
• նյութափոխանակության խանգարում,
• միգրեն,
• ծանր վիրահատություններ,
• չարորակ ուռուցքներ,
• պանկրեատիտ,
• արյունահոսություն սեռական ուղիներից,
• հղիություն և կրծքով կերակրում,
• հակավիրուսային դեղամիջոցների հետ համատեղ ընդունում և այլն:

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին, Յութուբյան ալիքին