Հարբեցողություն

Հարբեցողություն

Ալկոհոլի անվտանգ չափաբաժնի մասին ուսումնասիրությունները վկայում են, որ ֆիզիոլոգիայի տեսանկյունից այն գոյություն չունի: Սակայն հարկ է նշել, որ ալկոհոլն ազդում է նաև հոգեվիճակի վրա։ Ճիշտ է, ալկոհոլն օգնում է ազատվելու բարդույթներից, ավելի ազատ լինելու միջավայրում, հեշտացնում է սոցիալական հաղորդակցությունը, սակայն վտանգը մեծ է, որ այդ դրական թվացող կողմերը հետագայում կթողնեն վատ հետևանքներ։ Ալկոհոլ հիմնականում օգտագործում են այն մարդիկ, ովքեր ունեն սթրեսի բարձր մակարդակ, խնդիրներ կյանքում կամ ունեն անկանոն աշխատանքային օր ու գերծանրաբեռնված են: Իհարկե կան նաև այլ գործոններ, որոնք նպաստում են ալկոհոլիզմի առաջացմանը:

Առաջին գործոնը գենետիկան է։ Եթե անձի ընտանիքի անդամներից որևէ մեկն ունի ալկոհոլիզմ, ապա նախընտրելի է, որ նա առհասարակ չօգտագործի ալկոհոլ, քանի որ ունի գենետիկ նախատրամադրվածություն ալկոհոլիզմի նկատմամբ։ Ինքնասպանության հակում ունեցող անձանց նույնպես խորհուրդ չի տրվում օգտագործելու ալկոհոլ, քանի որ այն ստեղծում է հոգևոր անկայուն վիճակ։

Հարբեցողության բուժման համար կան հատուկ դեղամիջոցներ և թերապիաներ՝ ապացուցված կլինիկական արդյունավետությամբ: Բայց դրանք, ցավոք, ոչ միշտ են օգնում, քանի որ անհրաժեշտ է իրականացնել նաև հոգեթերապիա։ Հարբեցողությունից ձերբազատվելու համար հարկավոր է և՛ դեղամիջոցներով բուժում, և՛ հոգեթերապիա, և՛ սոցիալական աջակցություն:
 
Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին, Յութուբյան ալիքին