Պե՞տք է ընդունել կանխարգելիչ հաբեր ճիճվակրության դեմ 

 

Երբեմն մանկաբույժները խորհուրդ են տալիս երեխային ամեն տարի դեղահաբեր տալ` ճիճվակրությունը կանխելու համար, հատկապես եթե տանը կենդանիներ կան: 

Ճի՞շտ է արդյոք այս մոտեցումը երեխաների կամ մեծահասակաների դեպքում: 

Եկե՛ք հասկանանք։  

Ի՞նչ անել, եթե կասկածում եք, որ վարակվել եք 

Այցելե՛ք թերապևտին․ միայն նա կարող է նշանակել գրագետ հետազոտություն և դեղեր: Հելմինտիասը վտանգավոր հիվանդություն է. որդերը սնվում են մարդու հյուսվածքներով և արյամբ: Ինքնաբուժումն անընդունելի է, հակառակ դեպքում դա  նույնիսկ կարող է հանգեցնել մահվան: 

Ի՞նչ կպատահի, եթե առանց նշանակման օգտագործեք  դեղահաբեր 

Հակահելմինտային դեղերը բավականին թունավոր են և ունեն բազմաթիվ կողմնակի ացդեցություններ. 

• գլխացավ 

•պարեստեզիա՝ զգայունության խանգարում․ այդ դեպքում օրգանիզմում կարող է առաջանալ այրոց, քոր և փշաքաղում 

•պերիֆերիկ պոլինեյրոպաթիա՝ նյարդային մանրաթելերի վնասում 

•հոտառական հալյուցինացիաներ․ տհաճ հոտերի խաբուսիկ զգացողություն 

•ցնցումներ 

•խոսքի խանգարում 

•դող 

Ինչպիսի՞ կանխարգելում է անհրաժեշտ 

•լվացե՛ք ձեռքերը և շան թաթերը 

Ասկարիոզը, էնտերոբիազը, տոքսոկարիոզը և էխինոկոկոզը կեղտոտ ձեռքերի միջոցով փոխանցվող հիվանդություններ են: Հետևաբար, դրսից ներս գալով՝ անհրաժեշտ է հետևողականություն դրսևորել հիգիենայի կանոնների պահպանման հարցում։ 

• մի՛ կերեք հում միս և ձուկ, մի՛ տվեք կենդանիներին, հատկապես, եթե այն չի սառեցվել 

Տանը պատրաստված խավիարը, հատկապես ձկան խավիարը, նույնպես վտանգավոր է. այն կարող է պարունակել լայն երիզորդի թրթուրներ: Իսկ արյունոտ սթեյքերի սիրահարները կարող  են վերցնել խոշոր եղջերավոր կամ խոզի երիզորդներ: 

• տարին մեկ անգամ այցելե՛ք  անասնաբույժի 

Բժիշկը որքան շուտ հայտնաբերի ընտանի կենդանու մոտ ճիճուներ, այնքան ավելի հեշտ կլինի դրանք հեռացնել: Խորհուրդ է տրվում ընտանի կենդանուն տարեկան մեկ անգամ տանել  բժշկական հետազոտության: Քոթոթներին ու կատվի ձագուկներին անհրաժեշտ է տարվա ընթացքում երեք անգամ տանել բժշկի։ 

Թույլ մի՛ տվեք, որ ընտանի կենդանիները և երեխաները խաղան ավազով 

Ասկարիդի թրթուռները հաճախ բնակվում են ավազի մեջ: Այդ պատճառով, Եվրոպայի խաղահրապարակներում ավազե անկյուններն այժմ հիմնականում արգելված են: 

•մի՛ դիպչեք թափառող կենդանիներին 

էխինոկոկի երիզորդը առավել հաճախ կարելի է վերցնել թափառող շներից: Մակաբույծի ձվերը մորթուց կարող են անցնել ինչպես ձեր, այնպես էլ  ընտանի կենդանու օրգանիզմ: 

•պարբերաբար մաքրե՛ք ձեր տունը 

Հողի մասնիկները և ճիճուների թրթուրներով արտանետումները փողոցում նստում են կոշիկների վրա: Հետևաբար, հարկավոր է  փոշեկուլով պարբերաբար մաքրել հատակը և լվանալ  օճառաջրով: