Գաստրոէզոֆագեալ ռեֆլյուքս հիվանդություն

Գաստրոէզոֆագեալ ռեֆլյուքս հիվանդություն

(ԳԷՌՀ) Գաստրոէզոֆագեալ ռեֆլյուքսը (ԳԷՌՀ) տարածված հիվանդություն է, որն արտահայտվում է ստամոքսային պարունակության հետհոսքով դեպի կերակրափող, որն էլ հաճախ ուղեկցվում է կերակրափողի լորձաթաղանթի վնասվածքով (էզոֆագիտ): Հաճախ ԳԷՌՀ-ն ուղեկցվում է հետևյալ ախտանիշներով.

• այրոց

• բխկոց՝ օդի կամ ստամոքսի պարունակության դուրս մղմամբ

• դիսպեպսիկ երևույթ (որովայնի վերին հատվածում ցավ կամ ծանրություն, սրտխառնոց, «լեփ-լեցուն ստամոքսի» զգացողություն և այլն: Որոշ դեպքերում ԳԷՌՀ-ը կարող է ուղեկցվել ավելի քիչ բնորոշ ախտանիշներով.

• հազ,

• խռպոտություն և կոկորդի ցավ,

• բերանի տհաճ հոտ,

• կրծքավանդակի ցավ,

• քթից հոսք կամ քթի փակվածություն,

• միջին օտիտ,

• ատամի էմալի քայքայում և բերանի խոռոչի այլ խնդիրներ։ Շատ հաճախ ԳԷՌՀ-ով տառապող հիվանդներին սխալմամբ ախտորոշում են գաստրիտ, բայց գաստրիտը, որպես այդպիսին, ավելի քիչ է տարածված, քան ԳԷՌՀ-ը և ախտորոշվում է ըստ էնդոսկոպիայի ժամանակ ստամոքսի լորձաթաղանթից վերցված նմուշի բնութագրական փոփոխությունների։ ԳԷՌՀ-ի ախտորոշման համար անհրաժեշտ է՝

• Էնդոսկոպիկ ուսումնասիրություն,

կ երակրափողի մանոմետրիա,

• PH-ի ամբուլատոր 24-ժամյա մոնիտորինգ,

• ռադիոգրաֆիկ ուսումնասիրություն ,

• ՀՏ(КТ), ՄՌՏ և ՈՒՁՀ սովորաբար չեն իրականացվում ԳԷՌՀ-ի ախտորոշման համար: ԳԷՌՀ-ի բուժումը ներառում է երեք փուլ. 1. կենցաղի փոփոխություն,

• ավելորդ քաշից ազատվելը, հատկապես, եթե առկա է ճարպակալում,

• որոշ մթերքների բացառություն կամ սահմանափակում (ալկոհոլ, շոկոլադ, սուրճ, ցիտրուս, լոլիկ, սոխ, սխտոր): Պետք է հասկանալ, որ տարբեր մթերքներ կարող են հրահրել ռեֆլյուքսի սրումը,

• սննդի կոտորակային ընդունում՝ փոքր չափաբաժիններով,

• ընդունեք հորիզոնական դիրք` ուտելուց առնվազն 3 ժամ հետո,

• մահճակալի գլխի հատվածի տարբերությունը պետք է կազմի մոտ 20 սմ,

• խուսափեք թեքումներից և կռանալուց, եթե այդպիսի շարժումները հրահրում են ռեֆլյուքսի զարգացում։ 2. Դեղորայքային բուժում.

• պրոտոնային պոմպի ինհիբիտորներ (օմեպրազոլ, լանսոպրազոլ, ռաբեպրազոլ և այլն),

• H2 ռեցեպտորների պաշարիչներ (ռանիտիդին, ֆամոտիդին և այլն),

• պրոկինետիկներ (օրինակ՝ մետոկլոպրամիդ),

• անտացիդներ (ալյումինի հիդրօքսիդ, մագնեզիումի հիդրօքսիդ և այլն): 3. Վիրաբուժական բուժում Վիրաբուժական միջամտության ցուցումներ.

• եթե դեղորայքի թերապիայից հետո ախտանիշները չեն վերանում,

• եթե հիվանդը ցանկանում է, որ վիրահատություն իրականացվի, և դրա համար հակացուցումներ չկան, 

բարրետի կերակրափող,

• դաշտանադադարում գտնվող կանայք, ովքեր ունեն օստեոպորոզ,

• երբ չեն պահպանում դեղորայքի թերապիայի ճիշտ ռեժիմը,

• սրտի խանգարում ունեցող հիվանդներ,

• երիտասարդ տարիք։

Աղբյուրը
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին